मकर संक्रांतीचा सण ..

 

मकर संक्रांतीचा सण ..

मकर संक्रांतीस शुभ हे, भास्कराचे संक्रमण,

त्या योगे जीवनी होवो, सुख-क्षणांची उधळण ।। १ ।।

हलव्याचा गोडवा आणि तिळगुळाची स्निग्धता,

गुळपोळीवर तुप, झाली सिध्दता स्वागता ।। २।।

रंगबिरंगी पतंग,होई आकाश शोभीवंत,

'काय s पो' च्या स्वरांनी हो, निनादला आसमंत  ।। ३ ।।

तिळगुळ देता - घेता, प्रसन्न मनीचा हो गाभा,

सर्वांच्या जीवनी झळाळो, प्रेम-आपुलकीची आभा ।। ४ ।।

शुभ संक्रमणी लुटावे,  निर्व्याज प्रेमाचे हो वाण,

मनामनास जोडणारा, असा हा संक्रांतीचा सण  ।। ५ ।।         

- रुपाली.