SWS अर्थवाणी - चरण १: मालमत्ता नियोजन (Estate Panning)
चरण १: मालमत्ता नियोजन (Estate Panning)
होता जीवनाचा आरंभ, निश्चित होतसे अंत,
करावा तो सुखांत, विवेकबुद्धे II १ II
धनसंपदा, गृह ,भूप्रदेश, विभागून द्यावा विना क्लेश,
वाद-विवाद ना उरो शेष, नियोजने II २ II
सुवर्णलंकार, हिरे-मोती, व्यावसायिक असोत मिळकती,
वाटप व्हावे ही सुमती, वाद टाळण्या II ३ II
असावे असे नियोजन, उपभोग घेतील प्रियजन,
व्हावे समाजासाठी ही दान, यथाशक्ती II ४ II
लिहावे सुस्पष्ट इच्छापत्र, संभ्रम नसावा त्यात काडीमात्र,
साक्षी असावेत यात इष्टमित्र, कायद्याने II ५ II
वाटता क्लिष्टता फार, नेमावा योग्य सल्लागार,
नियोजना जो देई आकार, तुमच्या इच्छे II ६ II
अशा मालमत्ता नियोजनी, आश्वस्थ व्हावे जीवनी,
होवो सर्वांसाठी कल्याणी SWS अर्थवाणी II ६ II
- -- रुपाली
No comments:
Post a Comment