SWS अर्थवाणी - चरण २: आयुर्विमा (Insurance)
जो वाही उत्पन्नाचा भार
, त्याने करावा आयुर्विमा स्वीकार,
जीवनांती जो बने आधार,
कुटुंबियास ll १ ll
जैसी उत्पन्नाची सीमा,त्यायोगे
घ्यावा विमा,
आर्थिक आघात करावा धीमा, या मार्गे ll २ ll
दायित्वे वाढता जीवनात,
वाढ करावी संरक्षणात,
अतिरिक्त लाभ प्राप्तीकरात,नियोजने ll ३ ll
भरावा हफ्ता वेळेवार,टाळावा
संभाव्य अधिभार,
नेमता सुयोग्य सल्लागार,
चिंता मिटे ll ४ ll
विमा असेल घेतलेला, किंवा
संस्थेमार्फत मिळालेला,
सांगावा तो कुटुंबाला,
वेळेवरती ll ५ ll
करिता विमा कवच धारण, अर्थसंकटा
न जीवन शरण,
चिंतेचे मिटते कारण, नियोजने
ll l ६ ll
अशी थोर ही विमा करणी,
मनः शांती देते जीवनी,
होवो सर्वांसाठी कल्याणी, SWS अर्थवाणी II ७ II
No comments:
Post a Comment